The Basic Role of Business Manager

الخناقة اللي في دماغ أي Business Owner

لازم عشان أي Small business ينجح يبعد عن الدوامة المعتادة ولو انت مش عارف احنا بنتكلم عن ايه أقرا المقال اللي بنتكلم في عن الدوامة الأول

أول خطوة انت محتاجها عشان تبعد عن الدوامة ان انت تتخلص من الخناقة اللي جواك

أي business owner بيعمل business بيكتشف ان هو بقي 3 في 1  بجد بيلاقي ان هو المفروض يلعب دور الثلاث شخصيات دول :

• شخصية ال Entrepreneur و ده المفروض يكون هو الدور الأساسي لأي business owner ان هو يكون عايش بيفكر في مستقبل ال business يعيش في عالم الخيال ودايما يبقي تفكيره في ال strategic objectives بتاعة ال business و من غير ما يكون في حد بيلعب الدور ده ال business هيدخل الدوامة أو علي الأقل هيفضل محلك سر.

تقدر تقول ان ال Entrepreneur هو المحرك بتاع أي business هو قوة الدفع اللي دايما بتزق ال business لقدام عشان دايما بيكون المصدر الوحيد لل innovation و أي business مش بيطور من نفسه أكيد هيقف مكانه و هيبدأ ال owner يحس ان هو بينفخ في قربة مقطوعة.

• شخصية ال Manager و ده الدور الثاني اللي ال business owner بيكتشف ان هو لازم يلعبه وده بيبقي عكس دور ال Entrepreneur تماما . ال Manager دايما بيبقي عايش في الماضي عشان دوره الأساسي ان هو يحلل اللي حصل و يعرف الايجابيات و السلبيات اللي موجوده في ال business.

ال Manager بيعمل كده عشان ال Target بتاعه ان هو يعمل System ال business كله يمشي عليه و يحاول يظبط ال Tasks اللي موجوده عشان يوصل بال business لأحسن صورة.

– شخصية ال Executive أو تقدر تقول عليه الشخص التنفيذي وده حد تالت خالص بيفكر بطريقة مختلفة عن الاثنين اللي فاتوا . الراجل ده كل تركيزه و تفكيره بيبقي في ازاي ال Tasks تخلص و عشان كده هتلاقي الراجل ده دايما عايش في الحاضر بيفكرفي الحاجه اللي قدامه بس و ازاي ممكن الحاجه دي تخلص.

ال Executive دايما بيحب الحاجه اللي بيعملها و بيستمتع بيها و بيبقي شايف دايما ان دي أهم حاجه في ال business

و عشان كده مش بيحب يشتغل تحت ضغط أو انه يكون قدامه أكثر من Task في نفس الوقت عشان مش هيعرف يعمل ال Tasks دي بمزاج .

تخيل بقي ان انت بيبقي جواك التلات شخصيات دول مرة واحدة و كل شخصية من دول بتتعامل ب attitude غير الشخصية الثانيه و فوق كده كل شخصية مش طايقة التانية.

ال Entrepreneur عايز يبقي كل يوم في جديد بيحاول دايما ان هو يجرب حاجات جديدة و طبعا ده بيعمل Load علي ال Manager اللي هدفه الأساسي ان هو يعمل System و يعيش جواه و يحس بالأستقرار .

و طبعا كل ما ال Entrepreneur اللي جواه يطلع فكرة جديدة يبدأ ال Manager يحس بالضغط عشان هيبقي مطلوب منه انه يرجع يعدل ال System .

و بما ان الراجل ال Executive بيبقي كل همه ازاي يخلص الشغل اللي موجود و ازاي ينجز ال Tasks اللي عنده فأي فكرة هيقولها ال Entrepreneur هيبدأ يترجمها في دماغه ك Tasks المفروض تترمي عليه و يعملها و ده طبعا هيخليه يبدأ يكروت ال Tasks التانيه و ميعملش شغله بمزاج .

هتلاقي ال Executive دايما بيقول لنفسه هو أنا سادد علي ال Manager و ال System بتاعه اللي بيجبرنا نطبقه و ما بيخلناش نشتغل زي ما احنا عاوزين عشان يطلعلي ال Entrepreneur بافتكاساته كمان.

انت متخيل حجم الصراع اللي جواك ك business owner بيبقي عامل ازاي لو ما قدرتش تعمل balance ما بين الثلاثه دول أكيد واحده فيهم هتقع و صدقني ال business محتاج الثلاثه دول جدا عشان ما يعطلش.

وعشان تعمل ال balance ده لازم تسيطر علي ال Executive اللي جواك أنا عارف كويس ان انت اصلا عملت ال business ده عشان انت فاهم كويس ال operation ماشية ازاي و عشان كمان تشتغل الشغلانة اللي انت بتحبها من غير ما يبقي في مدير واقف فوق راسك وبيقولك تعمل ايه.

لازم تكون انت ال Manager لازم تعمل System كل الناس بما فيهم انت تلتزم بيه و برده لازم تكون انت ال Entrepreneur اللي بيوجه الأثنين دول ويخليهم يطوروا من شغلهم.

تفتكر بقي انت شخصيتك مين فيهم وهل انت قادر تسيطر علي الثلاثة مع بعض و لا لأ؟