Why Startups Don’t Survive ?

دوامة ال Small business !!

حكاية أي Small business بتبدأ زي ما اتفقنا بفكرة في دماغ ال Owners و ده غالبا بيحصل وهما شغالين شغلانة Full time في شركة من الشركات و غالبا ما بتبقي شغلانة Technical بمعني ان هو بيكون متخصص في حاجة معينة زي ان هو يكون شغال مهندس ، دكتور ، محاسب ، مدير مبيعات ، شيف في مطعم أو أي شغلانة تانية.

اللي بيحصل ان في لحظة من اللحظات و لسبب معين بتسيطر عليه فكرة واحدة “ليه أنا شغال عند حد ومش بشتغل لحسابي مع ان الشركة دي كلها معتمدة عليا أنا و مفيش حد في الشركة دي يفهم في ال business ده أكثر مني”.

وهنا الفكرة بتبدأ تلمع في دماغة و تسيطر عليه أنا لازم أعمل ال business بتاعي الخاص بيا و أشتغل لحسابي

وده طبعا بيكون نتيجة ايمانه ان طول ما هو عارف ال Technical work اللي بيشغل ال business يبقي أكيد هيعرف ازاي يدور ال business كله. عشان كده بتلاقي المهندس المعماري عمل شركة مقاولات و الدكتور عمل مستشفي و قيس علي كده كثير.

الفكرة كل يوم بتلمع في دماغه أكبر من الأول و بتبدأ تسيطر عليه و ما بيقدرش يهرب منها و بيبقي الدافع الداخلي اللي عنده أكبر من أي حاجه و بيبدأ ال business بتاعه.

ومن اللحظة دي بتبدأ رحلة أي Small business اللي بيدخلها ال business owner لو مش عامل Plan صح لل business بتاعه هيعدي علي الخمس مراحل دول و للأسف هيدخل الدوامة برجليه.

ودي اللي بتلاقي فيها ال business owner بيبدأ يدور ازاي يحول الفكرة لحقيقة علي أرض الواقع في ان هو يلاقي مكان مناسب من وجهة نظره لل business و ازاي يخلص اجراءات الشركة و طبعا عشان هو ما يعرفش أغلب الاجراءات اللي المفروض يعملها فبيبدأ يعاني شوية حلوين لحد ما يقدر يقوم ال business بتاعه و يحوله لواقع.

أول ما ال business owner يكون قدامه المكان جاهز للشغل و طبعا المرحلة الأولي بتكون خلصت علي جزء كبير من الحماس اللي كان عنده بيبدأ يوم بعد بوم يكتشف ان ال business مش مجرد ال Technical work وبس لا ده في حاجات كثير لازم يكون عارفها و عارف ازاي يشغلها و كان المفروض يكون عاملها Planning من الأول.

و بيكتشف ساعتها ان ال Technical work اللي هو كان مؤمن ان هو ده كل اللي محتاجه عشان يقوم ال business علي رجليه مجرد ترس واحد وسط مجموعة تروس كتير لازم كلها تشتغل مع بعض عشان ال business يقوم.

في المرحلة دي بيبدأ ال business owner باللي فاضله من حماس المرحلة الأولي متأثر بصدمة مرحلة الاكتشاف يحاول يعرف ازاي يشغل التروس الثانية و يبدأ يدور علي ناس تساعده بس للأسف مش بيبقي قادر يقيم هل الناس دي كويسة وهتقدر تنفذ اللي هو عاوزه ولا لأ

في المرحلة دي بيحس ال business owner ان هو عايش في دوامة و بيشتغل أكثر بكثير من اللي المفروض يشتغله عشان يحقق نفس العائد.

مع نهاية الحماس اللي عند ال owner بسبب احساسه المستمر بال Load اللي عليه بيبدأ شعور الخوف علي استمرارية ال business بتاعه يسيطر علي جزء كبير من تفكيره و هنا بيبدأ يهتم بالأرقام أكثر من ال Technical work وبيبدأ شبح الحاجات الكثير اللي هو بيعملها و اللي المفروض تتعمل يطارده في كل مكان و الجهد المضاعف يزيد وكل ده و ال Results المطلوبة مش بتتحقق.

طبعا في مرحلة الخوف بيكون حماس ال owner تجاه ال business قل جدا و بقي تركيزه مشتت و غالبا ما بيرجع يركز علي الحاجه اللي هو فاهم فيها كويس ال Technical work طبعا و رمي باقي الشغل علي ناس تانيه وهنا بيكون ال business فقد أهم عامل من عوامل نجاحه وهو وجود Leader شايف ال business من فوق و ده بيكون أول مسمار في نعش ال business.

الكلام ده مش كلام مجرد دي حقائق و احصائيات عالمية الاحصائيات دي بتقول ان 80 % من ال Small business بتقفل خلال 5 سنين من تاريخ انشائها و ال 20 % الباقيين 80 % منهم بيقفلوا في ال 5 سنين اللي بعدهم.

وده علي فكرة انت نفسك بتشوفه علي أرض الواقع و أكيد تعرف Small business كثير مكملتش الخمس سنين

يعني انت عاوز تقولي بلاش أعمل ال business بتاعي ؟

 !!بالعكس جدا 

أنا قصدي ان انت لازم تعرف ايه هيا أنسب الطرق اللي تخليك تهرب بعيد عن دوامة ال Small business !!

و أول حاجة لازم تعملها ان انت تعرف يعني ايه business و ازاي تخلي أي business يقف علي رجليه .لازم تغير الطريقة اللي انت بتفكر بيها عشان ال business هو كمان يتغير ويديك اللي انت مستنيه منه.

لو عندك business أو تعرف حد عنده business و بيعدي بمرحلة من المراحل الخمسة اللي فاتوا احنا ممكن نساعدك عن طريق ال Consulting Services بتاعتنا و اللي ممكن تعرف أكتر عنها من هنا .

و ممكن كمان تملي ال Application ده و تحجز معانا Free Consulting Session مع حد من ال Business Development Team بتاعنا .