You Have to Prepare Your Cash Budget

ال Cash budget دي يا صديقي التقديرات بتاعتك لحركة ال Cash عندك خلال الفترة اللي جايةما هو انت لازم تخلي بالك من ال Cash budget في الشركة بتاعتك

ودي انت لازم تكون حاسبها كويس عشان متجيش فجأة تلاقي نفسك عامل زي أخينا اللي في الصورة ده

وجود ال Cash budget في أي ادارة مالية لأي شركة مهم جدا عشان ده بيخليهم دايما شايفين التزاماتهم اللي المفروض يدفعوها كام و هل هيبقي معاهم Cash كفاية يسددوا الالتزامات دي ولا لأ.

وده بيخليني دايما سابق بخطوة عشان لو ال Cash budget قالتلك في أي وقت من الأوقات ان احتمال يحصل عندي Deficit هبدأ أتصرف من دلوقتي في تمويل للعجز ده أو حتي يا سيدي أبدا اتفق علي اعادة جدولة للالتزامات بتاعتي عشان يفضل معايا Cash يقدر يصرف علي ال Operations و العجلة تفضل ماشية.

و أوعي تقولي انا شركتي صغيرة مش هتبقي مؤثرة معانا قوي لا بالعكس جدا !!

كل ما حجم الشركة بقي أصغر كل ما ده معناه ان ال Available Cash عشان نصرف منه أقل .

وطبعا كل ما ال Cash بيقل كل ما بيبقي محتاج يتصرف في المكان الصح و في الوقت الصح عشان ميحصلشي عندك مشكلة في السيولة ماهو انت مش هتلاقي Cash Finance للعجز اللي ممكن يحصل عندك بسهولة لا انت رأس مالك كبير و لا لسه عملت Brand name يساعدك في ان انت تقدر تتصرف في Cash Finance بسرعة وتغظي أي أزمة بتحصل.

شايف علي قد ما هي مهمة و خطيرة في نجاح أي Business لكن لسه في ناس كتير مش بتحطها في أولويات شغلها.

يا سيدي والله سهلة ومش هتاخد منك وقت جبار ولا حاجة.

كل الحكاية ان انت هتبدا تشوف انا المفروض هعمل Sales خلال الفترة اللي جاية بقد ايه ودي مش محتاجة حاجة علي فكرة ممكن تجيبها من ال Average Sales بتاعة الشهور اللي فاتت و أكيد انت عارف ال Sales اللي بتعملها الشركة قد ايه منها بيبقي Cash Sales وقد ايه بيبقي Credit Sales .

وبما ان انت المفروض تكون عارف دلوقتي انت المفروض هتبيع بكام و نسبة ال Cash اللي هيجيلك منها قد ايه يبقي انت كده عملت أول خطوة .

بعد ما حسبنا احنا هيجيلنا كام Cash من المبيعات المفروض دلوقتي نبدأ نحسب احنا المفروض هيجيلنا كام من ال Receivables اللي لينا برة ودي سهل نلاقيها في تواريخ التحصيل اللي موجودة في الفاتورة و لو مش موجودة هنحسب ال Average collections بتاعتنا خلال الفترة اللي فاتت.

بكدة انت تكون حسبت كل ال Cash Receipts اللي هتجيلك خلال الفترة اللي جاية زائد بقي ال Cash اللي معاك دلوقتي و هو ده اللي انت تقدر تستخدمه في ال Operations بتاعتك خلال الفترة اللي جاية زائد ال minimum cash balance اللي المفروض يكون معاك عشان تقدر تصرف منه لو حصل تأخير في ال Cash inflow ولا حاجة.

كل اللي عليك بقي تحسب انت محتاج تصرف كام خلال الفترة اللي جاية و امتي بالظبط المفروض هتصرفه عشان تكتشف هل هيكون عندك عجز ولا لأ و تلحق تعمله تمويل بسرعة