WHY CMA CERTIFICATION IS MUST !

اشمعني ال CMA Certification

اشمعني ال CMA Certification  من بين كل ال International certifications  هيا اللي مسمعة و عليها طلب كتير من كل الناس و دايما في اعلانات الوظائف هتلاقي CMA is Must

عشان نجاوب علي السؤال ده تعالي نشوف هي أنواع المحاسبة ايه ؟ و الدور اللي مطلوب من كل واحدة فيهم ؟

أولا : ال Financial Accounting

 و دي المحاسبة المالية و اللي الهدف الأساسي منها ان هيا تطلعلنا ال Financial Statements  اللي بتقولي الوضع المالي للشركة و نتائج الأعمال في الفترة اللي فاتت و طبعا ده دور أساسي لأي ادارة مالية في أي شركة عشان ما ينفعش تبقي كيان قانوني و ما بتطلعش قوائم مالية و عشان كده هتلاقي فرص شغل كتير بتطلب ناس تشتغل في الحتة دي .

جميل .... فين المشكلة بقي ؟

المشكلة بتكون في ان اغلب الشركات بتعتمد علي ال Accounting Systems  و اللي بتخليك مركز في الحتة بتاعتك بس و مع الوقت بتلاقي نفسك بقيت مجرد حد بيعمل Data Entry  و مش شايف ال Accounting Cycle  كاملة و طبعا كل ما بيعدي بيك العمر و انت مش معاك غير ال Experience دي فرصك في المنافسة بتقل و تطور ال Career  بتاعك بيتعطل.

ثانيا : ال Cost Accounting

و دي محاسبة التكاليف و اللي بيكون المسئول عنها هو قسم التكاليف في الادارة المالية و اللي شغلهم مالوش غير هدف واحد و هو حساب تكلفة المنتج بتاعنا و اللي الناس بتوع ال Financial Accounting  ما يقدروش يعملوا القوائم المالية بتاعتهم من غير ما يعرفوها و ده بسبب انهم لا هيعرفوا يقولوا عندهم Inventory  بكام و لا ال Cogs بتاعتهم كام من غير ما يعرفوها.

الفرق اللي ما بين ال Cost Accounting  و ال Financial Accounting  ان التقارير بتاعت التكاليف مالهاش شكل محدد زي القوائم المالية و ده اللي بيخلي ال Costing يختلف من مكان لمكان علي حسب ال Operations  بتاعت الشركة يعني أكيد الشركات الصناعية مش هتحسب تكلفة المنتج بتاعها زي الشركات الخدمية .

و ده اللي بيخلي ال Costing  فيها شوية Creativity  لحد ما نقدر نبني System  يحسب التكلفة ... بس بعد ما نبني ال System ده .... للاسف بنرجع نتحول ل Data Entry برضه.

طيب و بعدين بقي نعمل ايه عشان نهرب من هنا ؟؟

الاجابة في ثالثا : ال Managerial Accounting

و دي المحاسبة الادارية و اللي الدور الأساسي بتاعها هو ال Decision Support  و دعم اتخاذ القرارات المالية في الشركة و اللي بيعتمد عليها مستقبل الشركة و اللي بدورها بتاخد كل التقارير اللي طلعت من ال Financial Accounting  و من ال Cost Accounting و تبدأ تعملها Analysis عشان تقدر تأدي الدور ده .

افهم من كده ان ال Managerial Accountant  لازم يبقي شاطر في ال Financial و ال Costing كمان !

أكيد مش هيستخدم التقارير بتاعتهم يبقي لازم يبقي عارف هيا معمولة ازاي ؟

و ده السبب اللي خلي كل الناس تدور علي ال CMA Certification  و دايما ال HR  في الشركات بيدوروا علي ال CMA Holders  عشان عارفين ان الناس دي جوكر .

الناس دي جوكر عشان عندها ال Knowledge اللي اتعلمتها خلال ال CMA Certification سواء في CMA Part 1 او CMA Part 2

في Part 1  من ال CMA Certification  بتتعلم 5 من ال Basic Skills  اللي لازم تكون عند اي Certified Management Accountant  و اللي بيكونوا كالتالي :

• ال Financial Reporting و ازاي نعمل ال Financial Statements
• ال Cost Management و ازاي كمان نعمل Cost reduction
• ال Planning  و ازاي نطلع منه بال Financial Plan
• ال Performance analysis و ازاي نعرف نقاط القوة و الضعف اللي عندنا ك Business
• ال Internal Control و ازاي نقدر تقلل ال Risks اللي ال Business  ممكن يواجهها

و ممكن تعرف معلومات أكتر عن CMA part 1 Course من هنا

في Part 2  من ال CMA Certification  بتتعلم 5 Skills تانيين عشان تبقي فعلا قادر ان انت تعمل  Decision Support  و تبقي Certified Management Accountant علي حق و اللي بيكونوا كالتالي :

• ال Financial Statement Analysis و تحديد ال Financial Health بتاعت ال Business بتاعنا.
• ال Financing Decisions و حساب ال Cost of capital  بتاعتنا
• ال Decision Analysis و كل ما يتعلق بالسياسات و القرارات المالية لل Business .
• ال Investing Decisions و تحديد افصل الخيارات الاستثمارية الممكنة.
• ال Risk Management و تحديد ال Response strategy  المناسبة

و طبعا ممكن تعرف معلومات أكتر عن CMA part 2 Course من هنا

عرفت بقي ليه CMA is a Must ؟