Which Product To Produce?

بص يا سيدي عشان نفهم الموضوع أكتر و نقدر فعلا نحدد Which Product To Produce ؟ لازم الأول نتفق علي ثلاث حاجات رئيسية :

 التكاليف عندي نوعين Avoidable Cost و Unavoidable Cost

بالنسبة لل Avoidable Cost فدي التكاليف اللي الشركة ممكن توفرها لو هي ما عملتش ال Activity ده زي مثلا ال Direct Material اللي هستخدمها عشان انتاج منتج A لو انا انتجت منتج A أكيد الشركة هتتحمل تكاليف ال Direct Material اللي انا محتاجها عشان منتج A أما لو الشركة قررت تستبعد منتج A من الانتاج بتاعها فأكيد مش هتتكلف التكلفة دي و طبعا الكلام ده بينطبق علي كل ال Variable Costs وجزء من ال Fixed Costs.

أما بقي ال Unavoidable Costs فدي بقي التكلفة اللي الشركة كده كده هتتحملها أيا كان المنتج اللي انت بتنتجه زي ايجار المصنع مثلا لو انت انتجت منتج A هتتحمله و لو انتجت منتج C برده هتتحمله.

الحاجه الثانيه اللي احنا محتاجين نتفق عليها ان ال Avoidable Cost هي التكاليف اللي هتأثر في القرار بتاعي لكن ال Unavoidable Costs مش هاخدها في اعتباري عشان هيا مش هتختلف بين البدائل المتاحه قدامي.

اخر حاجه بقي خلينا نتفق ان انت لما هتيجي تقارن بين المنتجات اللي عندك هتقارن علي أساس مين اللي بيكسب أكتر لكل جنيه انت بتستثمره عشان تضمن ان انت بتستغل ال Resources بتاعتك احسن استغلال 

وعشان الموضوع ده محتاج يتبصله من وجهة نظر الأرقام خلينا نشوف Case Study علي الموضوع ده و ناخد قرار مع بعض 

مصنع ملابس متخصص في ازياء العرسان و بينتج Suits للعرسان و Dresses للعرايس و محاسب التكاليف اداني التقرير ده عن تكلفة الوحدة من كل منتج

CostSuitsDressesDirect Material225 EGP300 EGPDirect labor400450Variable Overhead200225Fixed Overhead375 450Machine Hours2.5 hours3 hoursمحاسب التكاليف كتبلي في التقرير بتاعه ان ال Avoidable Fixed Cost لو احنا ما انتجناش ال Suits هتكون 20 % للساعه و لو ما انتجناش ال Dresses هتكون 30 % للساعه.

مدير المبيعات رفعلي تقرير باحتياجاته خلال شهر اكتوبر ب 8000 بدلة و 11000 فستان 

مدير المشتريات بلغك ان عنده Offer من مصنع تاني يقدر يوفرلك البدل و الفساتين بنفس ال Quality بتاعتك بسعر 850 جم للبدلة و 1350 جم للفستان و انه عرض المواصفات بتاعت المصنع الثاني علي مدير الانتاج وأكد انها بنفس ال Quality بتاعتك.

مدير الانتاج بلغك ان ال Capacity المتاحة مش هتكفي عشان ننتج كل الكمية اللي مدير المبيعات محتاجها خلال اكتوبر و ان ال Capacity المتاحه من ال Machine Hours هي 29000 ساعه بس.

و بما ان مدير الانتاج مش هيقدر يوفر لمدير المبيعات الكمية اللي هو طالبها فكان محتار ازاي يستخدم ال 29000 ساعة بالصورة المثالية اللي هتحقق أعلي ربحية للشركة

مدير التسويق بلغك ان هو عشان يحقق الانتشار المطلوب علي المدي البعيد لازم الشركة تكون بتبيع شهريا 2000 بدلة و 3000 فستان علي الأقل وان الشركة توفي بكل طلبات المبيعات حتي لو هتشتري المنتج من بره للعميل بأي تكلفة 

 و بما ان حضرتك ال CFO طلبت منك ال Management ان انت تساعدها تعرف Which Product To Produce ؟

أول حاجه لازم تعملها عشان تاخد قرار زي ده ان انت تشوف هل من الأحسن ليك ان انت تنتج كل منتج ولا تشتري من المصنع الثاني

بالنسبة للبدلة البدلة بتكلف المصنع علي حسبة محاسب التكاليف 1200 جم بس و انت بتقارن لازم تخلي بالك ان انت حتي لو ما انتجتش البدل في 80 % من ال Fixed Cost هتتحملها برده عشان هيا unavoidable cost و بما ان ال unavoidable cost مش هتأثر في قراري يبقي مش هناخدها في حسابتنا و هتبقي تكلفة البدلة بالنسبالي عبارة عن 225 مواد خام + 400 عمالة + 200 تكاليف متغيرة + 75 الجزء ال Avoidable في التكاليف الثابته باجمالي 900 جنيه.

وطبعا بما ان التكلفة لو انت هتنتج أعلي من تكلفة ان انت تشتري البدل من المصنع الثاني فهيبقي الأفضل ليك ان انت تشتري البدل من المصنع الثاني و توفر ال Capacity بتاعتك لانتاج الفساتين.

هنعمل نفس الحسبة اللي فاتت بالنسبة للفساتين و هنلاقي ان تكلفة الفستان اللي هاخدها في اعتباري هتكون 1110 جم و السعر بتاع المصنع اللي بره 1350 جم يبقي الأفضل للشركة ان هيا اللي تنتج الفساتين بنفسها لأن التكلفة هتكون أقل

بكده الرؤية بقيت أوضح شوية بما ان احنا لازم نوفي بمتطلبات مدير التسويق يبقي احنا عندنا أساس هنمشي عليه و هو ان احنا هنوجه 5000 ساعه من ال Capacity بتاعتنا للبدل عشان نقدر ننتج ال 2000 بدلة و هنوجه 9000 ساعة للفساتين عشان نقدر ننتج ال 3000 فستان.

هيبقي اللي فاضل من ال Capacity بتاعتي 15000 ساعة اللي من الطبيعي أستخدمهم في انتاج الفساتين و دول هيعملولي 5000 فستان.

يبقي ال Recommendation بتاعتي ان الشركة المفروض تنتج 8000 فستان و 2000 بدلة و تشتري الباقي من المصنع التاني.

تفتكر لو كانت تكلفة الفستان عشان انتجه جو الشركة 1450 جم كنا هنعمل نفس ال Recommendation ولا هتختلف