What is Technical Analysis?

هو ايه ال Technical Analysis ده ؟

ببساطة ال Technical Analysis هو دراسة لل Market Actions عن طريق ال Charts و هو توقع تحركات السوق في المستقبل .

المقصود هنا بال Market Actions هيا تحركات الأسعار في السوق و حجم التداول اللي بيحصل علي ال Item اللي انت بتراقب التغيرات اللي بتحصل في أسعاره.

أما بقي ال Charts فهو التحليل البياني اللي دايما بيوريك ال Trend بتاع الأسعار و التغيرات اللي بتحصل فيها في فترة زمنية معينة.

الفلسفة اللي قايم عليها التحليل الفني أو ال Technical Analysis مبنية علي 3 محاور رئيسية:

المحور الأول بيعتمد علي ان حركة السوق بترجم كل حاجة بتحصل فيه و بتأثر عليه سواء كانت Specific بال Industry اللي انت بتحلله أو حتي عامة علي ال Market كله.

المحور الثاني بيتبني فكرة ان الأسعار دايما بتتحرك في Trend وليها اتجاه عام با اما صعود و بنقول عليه Uptrend با اما هبوط و بنقول عليه Downtrend.

المحور الثالث و الأهم هو ان التاريخ دايما بيكرر نفسه …. و عشان نفهم الموضوع أكتر تعالي نتكلم عن كل محور بالتفصيل و نشوف هما مرتبطيم ببعض ازاي ؟

المحور الأول : السوق بيترجم كل حاجة

أي حد بيشتغل في ال Technical analysis بيبقي عنده قناعة تامة ان أي حاجة بتأثر في السوق سواء كانت سياسية أو اقتصادية أو حتي ال Actions و ال Behavior بتاع المستثمرين اللي موجودين في أي بورصة فهي في الأول و الاخر بتترجم في حركة الأسعار.

و الحقيقة ان الموضوع هنا هيبقي أسهل ليك كمستثمر عشان تقدر تترجم الحركة اللي بتحصل في السوق … بدل ما هتبقي مشتت في متابعة كل ال Factors اللي بتأثر علي السوق كل اللي عليك ان انت تتابع ال Charts اللي بترجمهم كلهم .

كلنا عارفين ان الأسعار اللي بيتحكم فيها من الأساس هيا قوي العرض و الطلب … كل ما الطلب علي حاجة يبقي أكتر من المعروض منها هتبقي النتيجة الحتمية ان الأسعار هتزيد و تعمل Uptrend و العكس هيحصل لما العرض يبقي أكتر من الطلب الطبيعي ان احنا نشوف Downtrend و ده اللي بينقلنا للي بعده .

المحور الثاني : دايما في اتجاه للأسعار

حاجة بديهية أي حاجة في الدنيا ليها احتمال من 3 مافيش غيرهم يا اما الأسعار في ال Uptrend يا اما في ال Downtrend يا اما ثابتة و هنا بيجي دور ال Charts اللي بتوريك بكل سهولة هو ال Trend بتاع الأسعار عامل ازاي .

الجميل في الموضوع ان انت ممكن تشوف تحركات الأسعار علي أي Time frame انت عاوزه يعني ممكن تشوف الحركة في السعر يوميا أو اسبوعيا أو حتي بالساعه .

و المعلومة الأساسية اللي انت لازم تعرفها عن حركة الأسعار انها عمرها ما بتتحرك في شكل مستقيم لا دايما بتتحرك في شكل Zigzag زي ما انت شايف في الشكل اللي تحت كده .. و ده طبعا بشوية Tools ممكن يخليك تتوقع امتي ال Trend هيبتدي و امتي هينتهي .

و هنا بقي يظهر معانا المحور الثالث : ان التاريخ بيكرر نفسه

لما الناس بتوع ال Technical Analysis  بدأوا يراقبوا حركة الأسعار علي مدار السنين و ال Items المختلفة وصلوا لنتيجة واحدة هيا ان في ظروف معينة و عند حجم تداول معين الأسعار بتتحرك بنفس الصورة تقريبا مهما اختلفت ال Charts أو مهما اختلف عدد السنين أو ال Item اللي انت بتحلله .

وده في حد ذاته ميزة بتخلي ال Technical Analysis بيساعدك أيا كانت ال Trading Strategy بتاعتك سواء كانت Long term او حتي Short Term و الأجمل كمان ان انت تقدر تستخدمه علي أي نوع بورصة موجود في كل الأحوال هيا مبادئ و Tools واحدة اللي هتطبقها في أي مكان.

في المرة اللي جاية هقولك ايه بقي الفرق بين ال Technical Analysis و اللي عرفنا انه هو التحليل الفني للبورصة و ال Fundamental Analysis و اللي بنسميه التحليل الأساسي للبورصة .