What are The Components of Other Comprehensive Income ?
هو ايه حساب ال OCI ده ؟
هما خمسة Transactions اللي بيكونولي ال OCI و هي دي ال Transactions اللي بتأثر علي ال Owner’s Equity من غير ما تأثيرها يعدي معايا في الأول علي ال income statement بتاعتنا و دول ال Transactions اللي محصلتش فعليا أو بمعني أصح ال Resources ما اتحركتش فيها فعليا بس وجودها بحد ذاته أثر علي حقوق الملكية.
و عشان الكلام يوضح أكتر تعالي نوضح ايه هما ال Transactions دي و نشرح الموضوع عليهم أول Transaction هي ال Foreign currency Translation
تخيل معايا كده ان INACT House راحت اشترت شركة تانيه في السعودية مثلا . دلوقتي شركة INACT House بتعمل القوائم المالية بتاعتها بالجنيه لكن الشركة بتاعتهم اللي في السعودية بتشتغل بالريال و بتعمل قوائمها برده بالريال السعودي .
اللي انا هبقي مستنيه كقارئ للقوائم المالية بتاعت INACT House ان القوائم بتاعتهم يكون مسمع فيها نتائج الأعمال بتاعة الشركة بتاعتهم اللي في السعودية و عشان كده هتيجي INACT House في اخر كل سنة وتقلب النتائج بتاعت شركتها اللي في السعودية من الريال للجنيه و هنا هيحصل طبعا Gain أو Loss من فروق تقيم العملات .
هنا في سؤالين لازم نسألهم
هل ال Gain أو Loss ده حصل فعلا و ال هو Gain أو Loss حصل علي الورق بس ؟ و السؤال الثاني هل حقوق الملكية اتأثرت فعلا بال Gain أو Loss ده ولا لأ ؟
بالظبط !
ال Gain أو Loss اللي حصل ده حصل علي الورق بس لكن في نفس الوقت هو فعلا أثر علي حقوق الملكية يعني لو افترضنا ان الشركة السعودية كانت محققه أرباح في ال Quarter الأولاني بقيمة 100 ألف ريال و ساعتها كان الريال بيساوي 2 جنيه كانت INACT House هتسجل ان ارباحها 200 ألف جنيه مصري لكن اللي حصل ان في اخر السنة الريال كان بيساوي 2.5 جنيه و ده معناه ان ارباح ال Quarter الأولاني قيمتها اتغيرت و بقيت 250 الف جنيه .
الكلام ده جميل بس ال Resources بتاعت الشركة متأثرتش هما هما ال 100 ألف ريال ما اتغيروش و ده معناه ان الطبيعي حضرتك ما تعملش قيد محاسبي بس لو معملتش كده مش هيظهر التأثير بتاع فروق العمله علي ال Owner’s Equity .
و هنا يظهر حساب ال OCI و يلعب دور الكوبري اللي هيعدي منه التأثير ده لل Owner’s Equity من غير ما يعدي علي ال Income Statement و هتعمل القيد ده .
Dr/ Cash 50,000
Cr/ unrealized Gain from foreign currency translation 50,000
و ده أول عنصر من عناصر ال OCI و سميناه unrealized Gain from foreign currency translation لان هو فعلا ايراد لسه ما اتحققش هو مكسب موجود علي الورق بس.
الأربعه Transactions الثانيين هما كالتالي و دول هنتكلم عنهم كل واحد في مقال لوحده خلال اليومين اللي جايين :
– Unrealized Gain or loss from available for sales securities.
– Unrealized Gain or loss from defined benefit plans ” Pensions”
– Changes in the fair value of a financial instrument in a cash flow hedge
– Revaluation Surplus
خليك متابعنا بقي عشان نكمل مع بعض حدوتة ال OCI