Supply Chain Management Process & Principles

ال Supply Chain Management و اللي بنقول عليها ادارة سلسلة الامداد هدفها دايما انها تقدر تقلل التكلفة بتاعتها طوال ال Chain بداية من عملية الشراء مرورا بالانتاج و معاهم التوزيع لحد ما يوصل المنتج للعميل بتاعها 

ببساطه … لو الشركة قدرت توصل المنتج للعميل باقل تكلفة و من غير ما تيجي جمب ال Quality فده معناه ان الشركة عندها ميزة تنافسية بتميزها عن المنافسين بتوعها و ان هيا تقدر تقلل الأسعار بتاعتها و تكسب منهم Market share اكبر.

و الحقيقة ال Supply Chain Management  هيا عبارة عن Process منظمة بتعدي فيها علي 5 Step  من أول رحلة ال Supply chain  لحد أخرها و عشان نقول ال Process دي قالمقال عيكون طويل حبه فهات كبايه شاي كده و تعالي نمشي رحلة ال Supply Chain من الأول

المرحلة الأولي لأي Supply chain management system  فعال هيا ال Planning و المرحلة دي ال Details فيها كتير و الحاجات اللي انا بعملها Planning أصلا كتير .

يعني عندك مثلا : انا هحتاج اعمل Planning لل Purchasing اللي انا المفروض اعملها خلال الفترة اللي جاية و ده طبعا هيعتمد علي ال Plan اللي انا عاملها لل Customer Demand  كل ده عشان يبقي عندي Production Plan

حيلك … حيلك ايه يا عم الكلام الكبير ده … ما بالراحه علينا 😊

تعالي كده نشوف ايه هيا عناصر التكلفة الأساسية اللي موجوده في ال Supply Chain  هنلاقيهم ماقسمين لأربع حاجات:

• تكلفة المشتريات للمواد الخام اللي انا بعملها
• تكلفة تخزينها كمواد خام و تكلفة تخزينها بعد ما حولناها لمنتج نهائي او Finished Goods
• تكلفة الانتاج اللي اتصرفت علي المنتجات بتاعتنا
• وأخيرا تكلفة توزيع المنتجات دي لل Final Customer بتاعنا

وهدفي ك Supply chain management  اني أوصل لشكل ال Operation اللي يديني اقل تكلفة من ال Combination ده عشان كده بحتاج أعمل Planning انا هنتج كام وحده و ده بيعتمد علي ال Plan بتاعت ال Sales بتاعتي و عشان كده بطلع ال Master Production Schedule  أو خطة الانتاج .

عن طريق خطة الانتاج بتاعتنا و سياسات المخزون بتاعتنا و اللي طبعا بتحدد ال Inventory اللي المفروض يبقي عندي في ال Business بنبدا نبني خطة المشتريات أو ال Purchase Plan  

بعد ما بنخلص مرحلة ال Planning بندأ عملية التنفيذ فعلا و بننقل للمرحلة التانية

المرحلة التانية : مرحلة ال Procurement و دي المرحلة اللي بتبدأ فيها الشركة تشتري ال Raw Material  و تعمل Negotiation  مع ال Suppliers و تاخد قرارات هل نشتري كمية اكبر عشان ناخد Discount و لا ده هيزود تكلفة التخزين عندي و طبعا ما ينفعش ننسي ال Logistics و العقود بتاعتها.

اشترينا المواد الخام و بقيت عندنا … ننقل علي المرحلة الثالثة

المرحلة الثالثة : و هيا مرحلة الانتاج و دي من أهم مراحل ال Supply Chain Management  لان الانتاج لازم يبقي ماشي مظبوط ما هو لو انا انتجت كميات كبيرة اكتر من اللي انا محتاجه للمبيعات بكتير يبقي انا كده اكيد هدفع تكلفة تخزين عالية و لو انا انتجت كميات اقل من اللي انا محتاجه كمبيعات هبقي كده بضيع فرص كتير عليا ده غير ان انا هلبس غرامات تاخير في العقود اللي انا هبقي ملتزم بيها.

عشان كده لازم يبقي ال Supply management system  بتاع الشركة بيربط كل العناصر دي مع بعضها … أنتجنا الحاجة و بقيت موجوده في المخزن كمنتج نهائي ننقل بقي علي المرحلة الرابعه

المرحلة الرابعه ال Distribution و دي المرحلة اللي قرارات ال Management فيها بتحوم حوالين ايه افضل طريقة Distribution للمنتج بتاعنا … ايه أفضل طرق ال Transportation  اللي ممكن نستخدمها و تكون باقل تكلفة ممكنة … هل نعمل Insurance علي البضاعه و لو هنعمله هيبقي شكله ازاي ؟

وصلنا المنتج للعميل … ننقل بقي علي المرحلة الخامسة

المرحلة الخامسة : ال After Sales Service  أو خدمة ما بعد البيع … علاقة الشركة بالمنتج مش بتنتهي مع تسليم المنتج لأ دي بتفضل متابعه ال Cycle بتاعت المنتج للاخر عن طريق خدمة ما بعد البيع .

و عشان تبقي ال Supply chain management  بتاعت الشركة Effective و تحقق أهدافها لازم يكون ال SCM system  فيه ال 7 مبادئ دول :

1- ال Segmentation الصح : لازم ال SCM system  بتاعك يبقي مقسم العملاء بتوعه علي مجموعات بناءا علي ال Customer needs  بتاعتهم … ده معناه ان ال SCM system  هيبدأ أصلا بناءا علي المعلومات اللي بنجمعها عن احتياجات ال Customer بتاعنا و نعرف ازاي نقدمله المنتج او الخدمه بتاعتنا .

2- اعمل ال Logistic Network  الصح : لازم ال SCM System  دايما يبقي مراقب عملية نقل البضاعه من المورد لحد ما توصل لعندك و بعد كده نقلها من عندك للعميل و ده طبعا بيتضمن عقود ال Trade Finance  و اجراءات الاستيراد و التصدير و شركات الشحن و اللي اذي منه 😊

3- خلي دايما ال Demand Planning  أساسي في ال SCM System  بتاعك و اظبط نفسك عليها و عشان كده ال Techniques  اللي انت بتعتمد عليها في ال Demand Planning هيا اللي هتمشي ال Supply chain management   فالله يباركلك اشتغل الكلام ده صح و بال Techniques الصح.

4- طبع ال SCM System  بتاعك على شكل ال Operation بتاعتك و اللي هتبقي يا اما Standard Process  في الحالات اللي بتكون الشركة بتنتج فيها منتج بشكل ثابت زي كانز البيبسي أو هتكون Customized Process و ده بيكون لما المنتج بتاعك يبقي ليه اكتر من Variety بناءا علي طلب العمبل زي في ال Software .

و ده مش هيحصل غير لو عندك Cost tracking System  مظبوط و ليه Standards معينه بيبدأ من خلالها يراقب ال Activities اللي الشركة بتعملها و يحسبلها تكلفتها .

5- لو ال SCM System  بتاعك هيعتمد في جزء منه علي ال Outsourcing يبقي كده حضرتك محتاج تبني ال System  علي اساس انه يعمل Outsourcing للوظائف الفرعية مش لل Core operation  بتاعتك … بمعني لو انا شركة استشارات هندسية يوم ما احب اعمل Outsourcing اعمله لل Sales او ال HR او حتي ال Finance لكن لل Core business  لأ.

6- خلي ال SCM System  بتاعك Automated عشان توصل للفعالية اللي انت عاوزها … كل ما ال Activities بتاعت ال Supply chain  تبقي مربوطة ببعض و كل ما ال Information الوصول ليها أسهل كل ما ال SCM system  قدر يقوم بوظيفته .

7- و انت بتبني ال costing system  بتاعك خليه دايما معتمد علي ال Activity Based Costing  و ده هنبقي نتكلم عنه في Article تاني 

الكلام ده كله تقدر تتعلمه في برنامج ال BSCM و اللي عشان تعرف معلومات عنه كل اللي عليك ان انت تملا ال Form اللي تحت دي وحد من ال Team بتاعنا هيتواصل معاك 😊