Revenue Recognition

أول حاجة عايز أفكرك بيها هى ان المحاسبة بتشتغل طبقا لحاجة اسمها ال Accrual base اللى هو أساس الاستحقاق

يعنى لازم نتائج أعمال الفترة أو ال Income Statement ميظهرش فيها غيرالRevenues وال Expenses اللى تخص الفترة وبس

وأكيد أنت عارف ان برضه فيه حاجة اسمها ال Matching Principle يعنى الايراد يظهر قصاده المصروف اللى يخصه فى نفس الفترة

المهم هتعترف بالايراد امتى ؟

القاعدة العامة للاعتراف بال Revenue بتقول

Revenue Recognized when Earned and Realized

يعنى وأنت قاعد فى شركتك جالك عميل وطلب منك Special order ليه مواصفات خاصة والموضوع هياخد منك شوية وقت على ماتسلم ال Order

  والراجل دفعلك ثمن البضاعة أو حتى دفعة تحت الحساب بقيمة 1000 جنيه مثلا

طيب دلوقتى الفلوس اللى أنت أخدتها دى هل بقت بتاعتك ومن حقك ولا تبقى من حقك لما تسلم العميل بضاعته؟

طبعا هتقولى لأ لما أسلم البضاعة

يعنى هتقول على الفلوس دى Unearned Revenue والحساب ده بيظهر فى ال Liabilities اللى على الشركة

طيب وهى ال Accounting يهمها فى ايه اذا كنت سلمت البضاعة ولا لأ؟

عشان فى حاجة اسمها Matching وال Expense اللى أنت هتتحمله مش هتسجل القيد بتاعه الا لما تسلم البضاعة

يعنى من الأخر المصروف مبيظهرش الا مع التسليم وبكده يبقى الايراد كمان ميظهرش الا مع التسليم عشان نعمل Matching

وده اللى ال Accounting بتقول عليه Revenue Recognized when Earned

يعنى الايراد بيكون Earned لما تسلم البضاعة لكن لو لسة مسلمتش البضاعة فهو Unearned

ولو كملت على نفس السيناريو هتلاقى أن العميل لازم يتعمله فاتورة عشان تكون سند اثبات لعملية البيع وهنا الايراد بيكون Realized

يعنى نرجع ونقول باختصار

Revenue Recognized when Earned and Realized

وده بقى اللى بنقول عليه ال Point of Sale أو الاعتراف عند نقطة البيع.

بس خد بالك أحيانا الاعتراف بيكون before اللى هو ال Early Recognition وأحيانا بيكون After اللى هو ال Delay Recognition

والمرة اللى جاية هنتكلم عن ال Early Recognition

بس تفتكر مين اللى بيعمل Early Recognition ؟