Repos ( Repurchase Agreements)

ال Repos هيا اختصار ل Repurchase Agreements  او اتفاقيات اعادة الشراء و دايما الشركات بتلجألها كوسيلة لل Short term Finance  و بتظهر دايما في الأسواق المالية .

ال Repurchase Agreements  بكل بساطة ان شركة A  محتاجة Liquidity علي ال Short term  بتبيع Asset لشركة B  و بتعمل معاها عقد انها هترجع تشتري منها ال Asset ده بسعر معين في تاريخ معين و غالبا في الأسواق المالية ده بيكون خلال اقل من اسبوع .

شركات كتير بدات تستخدم ال Repos ك Short term finance tool  و الموضوع ما وقفش علي الأوراق المالية لا ده كمان بقي بيحصل مع الاصول الثابته بتاعت الشركات و هنا ظهرت معضله محاسبية هل لما شركة A  تبيع ال Asset اسجل العملية علي انها عملية بيع و لا بما ان ال Asset كده كده هيرجعلي يبقى مش بيع ؟

المعيار الدولي IFRS 15  و ده معيار الاعتراف بالايراد شال معيار الايراد القديم IAS 18  عشان مبدأ أساسي و هو ان الايراد بيعترف بيه في حالة ان ال Control علي ال Asset اتنقل خلاص من البايع للمشتري .. و مسك ال Case بتاعت ال Repos و فصصها عشان نعرف المعالجة المحاسبية بتاعتها .

أول خطوة عملها ان هو قسم ال Repos ل 3 أنواع :

• النوع الأول هو ال Forward Contract و ده العقد اللي هيبقي فيه الطرفين شركة A  و شركة B  ملزمين ان هما يتفذوا العقد و تتم اعادة الشراء في تاريخ معين بسعر معين.
• النوع الثاني هو ال Call Option وده بيبقي عقد الزامي التنفيذ علي المشتري انما البايع بيبقي هو اللي عنده ال Option يا يينفذ العقد يا اما ما ينفذش … بالبلدي كده العقد ده هيمشي علي حسب دماغ البايع عايز يرجع يشتري هيشتري مش عايز خلاص ماحدش هيجبره علي كده بعكس المشتري هو بيسمع الكلام وخلاص.
• النوع الثالث هو ال Put option وده عكس ال Call Option  هنا اللي هيسمع الكلام هو البايع و المشتري هو اللي عنده ال Option  يا يبيع يا لأ .

لو مسكت النوع الأول و التاني ال Forward Contract  و ال Call Option  هتلاقي ان البايع لسه عنده جزء من ال Control علي ال Asset و ان ال Control ما اتنقلش للمشتري بالكامل و في الحالة دي ما ينفعش نعترف بيها كعملية بيع بناءا علي تعليمات IFRS 15  .

أمال هنعترف بيها ايه ؟

علي حسب سعر البيع و سعر اعادة الشراء … ما هو أصل ال Financial Reporting  واحد من أهم مبادئها ان احنا نسجل اي Transaction بيعملها ال Business بناءا علي جوهر و معني ال Transaction مش الشكل بتاعها وده اللي بنسميه Substance over form .

يعني لو افترضنا ان شركة A  باعت Land لبنك B  بقيمة 100 الف دولار و عملت معاه Repo أيا كان بقي Forward contract او Call option  الاثنين زي بعض في المعالجة الحسابية و كان الاتفاق ان اعادة الشراء هتم بعد سنة من تاريخ البيع .

خلينا الأول نشوف في حالة ان سعر اعادة الشراء كان 120 الف دولار … تفتكر ايه المعني بتاع ال Transaction  دي ؟

ما دام انا كده عندي ال Control ان انا ارجع ال Asset فده ممكن نقول عليه ان انا اخدت Short term loan  بضمان ال Asset و المبلغ الزيادة هو ال interest expense  بتاعي .

يعني في وقت البيع شركة A  مش هتسجله بيع لأ دي هتسجل ال Cash اللي دخلها علي أساس انه التزام و هتعمل القيد ده :

Dr.CrCash100.000Short term liability100.000

و في اخر السنة لما تتم عملية اعادة الشراء هتعمل قيد بسداد ال liability و تثبت مصروف الفائدة بالقيد ده:

Dr.CrShort term liability100.000interest expense20.000Cash120.000

انما بقي في حالة ان سعر اعادة الشراء كان اقل من سعر البيع .. هنا بقي نقدر نعتبر ان ده مش عملية بيع لأ ده عملية ايجار و هنا العقد هيتعالج محاسبيا زي ما معيار التأجير IFRS 16  بيقول.

طيب لو العقد كان من النوع الثالث ال Put Option  هنعالجه محاسبيا ازاي ؟

هنا البايع مش بايده ال Control المشتري هو اللي عنده ال Control بس عشان في احتمالية ان المشتري ممكن يرجعلي ال Asset فانا كبايع هبقي محتاج ان انا اعمل Estimation هل المشتري هيبقي عنده الحافز انه يرجعلي ال Asset ولا لأ .

لو ال Estimation بتاعي بيقول ان المشتري احتمال كبير يرجعلي ال Asset وعنده الحافز لده يبقي هيتعالج محاسبيا زي العقود التانيه من غير اختلاف … اما بقي لو ال Estimation بيقول انه مش هيرجعلي ال Asset في الحالة دي ودي الحالة الوحيدة اللي هعترف بيها بايراد من بيع ال Asset .

لو عندك أي سؤال ممكن تقوله في Comment .