Innovate …. You Have to !

خلي ال innovation حاجة أساسية في شغلك

اللي احنا نقصده بال innovation هنا مش هو المعني اللي موجود في دماغك مش لازم يكون ال innovation اختراع أو فكرة جديدة و مش لازم يكون حاجة تكلفتها عاليه لا بالعكس ده أهم حاجه في ال innovation ان تكلفته تكون علي قد الايد و باستخدام الموارد المتاحة.

ال innovation اللي احنا نقصده هنا هو ازاي تقدر تسرع ال Process اللي بتتعمل بيها ال Tasks و ازاي توصل لأفضل أداء ممكن باستخدام ال Resources المتاحة قدامك .

خد عندك مثلا Great Western bank وده واحد من أكبر البنوك الأسترالية عنده أكتر من 200 فرع و أكتر من 1600 موظف. اللي احنا عارفينه كويس ان ال Process بتاعت البنوك بتكون خطواتها كتير شوية عشان تضمن ال Security بتاعت ال Transactions عشان كده أيا كانت الحاجه اللي انت هتعملها في البنك بتاخد منك وقت طويل حبتين .

لكن سياسة ال Continuous Improvement اللي بتتبعها ادارة البنك ده خلت ال Process بتاعتها من أسرع ال Processes اللي بتطبق في البنوك في العالم و قللت عدد ال Steps اللي انت محتاج تعدي عليها عشان تفتح حساب من 34 خطوة ل 24 خطوة بس .

طيب هما عملوا ايه خلاهم يقللوا عدد ال Steps اللي المفروض تتعمل و في نفس الوقت يضمنوا ان Security بتاعت ال Transactions ما اتأثرتش وان الشغل ماشي مظبوط ؟؟

الموضوع ببساطة ان كين كارليس ال CEO بتاعهم نشر ثقافة ال innovation بين كل المديرين اللي موجودين معاه و كان دايما بيطلب منهم تحليل ال Process اللي بيعملوها و ايه هيا الأفكار اللي ممكن يطبقوها عشان يسرعوا العملية و يزودوا ال Value اللي بيقدموها للعميل بتاعهم.

و عشان تقدر تتبني انت كمان ال concept ده و تطبقوا في شركتك أو حتي في الأدارة بتاعتك كل اللي انت محتاجه ان انت تطبق ال Steps دي :

– أول حاجة زي ما اتفقنا ان انت تعمل ال Operational Manual اللي هيضمنلك ان ال Team بتاعك بيحقق ال Objectives بتاعته و في نفس الوقت بيضمنلك انت شخصيا الوقت الكفاية للابداع و التطوير .

– حدد احتياجات العميل بتاعك كويس و ده مش معناه ان العميل لازم يكون العميل اللي بيشتري منك المنتج النهائي لأ المقصود بالعميل هنا هو كل الناس اللي بتعتمد علي شغلك بمعني ان المورد بالنسبة للراجل بتاع ال Payable هو العميل بتاعه و الموظف هو العميل بتاع الراجل اللي شغال في ال HR .

– دورك الأساسي ان انت تخلي العميل بتاعك دايما مبسوط وان ال Value اللي انت بتقدمهاله تكون دايما فوق ال Expectations بتاعته وده اللي هيخلي ال Management دايما مبهورة بشغل ال Team بتاعك .

ال Value بتاعت الخدمة بتاعتك دايما بتكون قايمة علي ال 3 حاجات دول :

ال Quality اللي انت بتقدم بيها الخدمة بتاعتك . عشان تزود ال Value اللي انت بتقدمها للعميل بتاعك لازم يكون دايما أفكار عن تطوير ال Quality اللي انت بتقدم بيها الخدمة بتاعتك و ده مش معناه ان انت محتاج تزود ال Cost اللي انت بتصرفها أو عدد ال steps اللي انت بتعملها .

أحيانا تغيير صغير في شكل ال Process بيخلي ال Quality تزيد في عين العميل بتاعك يعني ممكن تغيير بسيط في شكل ال Reports اللي انت بتعملها يحسن ال Quality بتاعتها .

الحاجة التانية اللي بتأثر علي ال Value اللي انت بتقدمها للعميل بتاعك هيا ال Speed كل ما هتقدم الخدمة للعميل أسرع كل ما ال Value اللي انت بتقدمهاله بتعلي عشان كده انت محتاج دايما تسأل نفسك و ال Team بتاعك ايه اللي ممكن نعمله عشان نسرع ال Process بتاعتنا .

الحاجة الثالثة اللي بتأثر علي ال Value هي ال Cost كل ما قدرت تقلل ال Cost اللي انت بتحتاجها عشان تقدم الخدمة للعميل بتاعك ده معناه ان انت بتحقلله ال Objectives بتاعته بتكلفة أقل و طبعا انت عارف لو انت قدرت تعمل كده العميل هيحبك قد ايه 

و عشان كده احنا بنقولك خلي ال innovation حاجه أساسية في شغلك ابدأ من دلوقتي في تحديد احتياجات العملاء بتوعك و طور ال Value اللي انت بتقدمها ليهم هو ده سر نجاح المديرين الكبار في الشركات العالمية.