How to Record Financial Assets ?
هي ايه المعالجة الحسابية لل Financial Assets ؟
ال Financial Assets بتتصنف علي حسب ال Module اللي الشركة بتدور بيه الأوراق المالية و المحافظ النقدية بتاعتها و ده بيكون Module من ثلاثة مافيش غيرهم .
ال Module الأول
ان الشركة تكون بتستثمر في الأوراق المالية بهدف ال Speculation أو المضاربة علي قيمة الأوراق المالية و بتبقي مستنية الربح بتاعها من زيادة ال Value بتاعت الأوراق المالية عشان تبيعها في الحالة دي ال GAAP بيسميها Trading Securities و ال IFRS بيسميها Fair value through Profit & Loss .
مبدأيا احنا بنعترف بالورقة المالية اللي احنا صنفناها التصنيف ده في الدفاتر بتاعتنا بال Cost اللي احنا دفعناها فيها يعني لو انت رحت اشتريت أسهم في شركة تانيه بقيمة 1000 جنيه في سبتمبر هتعمل القيد ده :
Dr/ Trading Securities 1000
Cr/ Cash 1000
طيب وايه المشكله ما عادي أهو ! السؤال دلوقتي لو جينا و احنا بنقفل الفترة المالية يوم 31- ديسمبر ولقينا الأسهم دي قيمتها دلوقتي 1500 جنيه هل نسيبها متسجلة بال 1000 اللي احنا دفعناها فيها ولا نظهرها بال Market Value بتاعتها دلوقتي ؟
المعايير بتقولك بما ان انت الهدف الأساسي ليك ان انت تبيع الأسهم دي و ان مكسبك و خسارتك متعلقين في قيمة الأسهم في السوق يبقي انت لازم تظهرهم في قوائمك المالية بال Market Value بتاعتها دلوقتي و أي مكسب او خسارة هيسمع معاك في ال Income statement بتاعتك عادي يعني انت هتعمل القيد ده في اخر السنة
Dr/ Trading Securities 500
Cr/ Gain from Trading Securities 500
ال Module الثاني
ان الشركة تكون بتستثمر في الأوراق المالية بهدف ان هيا تضمن Cash Flow ثابت يجيلها من استثماراتها و في نفس الوقت تكون بتعمل Saving للفلوس بتاعتها لوقت معين هتحتاج الفلوس دي فيه . في الحالة دي ال GAAP بيسميها Held to Maturity و ال IFRS بيسميها Amortized Cost securities.
يعني مثلا لو شركة عندها علي ال Strategic Plan بتاعتها ان هيا هتعمل استثمار كمان 5 سنين بقيمة 5 مليون جنيه و عندها دلوقتي Cash ازيد من احتياجاتها بمليون جنيه فبدل ما ال Cash يفضل واقف كده و مايعملش حاجه ده غير ان ممكن يتسحب من تحت ايدي من غير ما احس بيه
بتبدأ الشركة تفكر ازاي تعمل Save للمليون دول لمده خمس سنين و في نفس الوقت تكون شغاله و بتجيبلي Gain ده اللي بيخلي الشركة تروح تشتري bonds مدتها 5 سنين و ده معناه ان مكسب الشركة الوحيد من الاستثمار هيكون ال interest اللي بيجيلها .
في الحالة دي المعايير بتقولك يبقي ال bonds دي لازم تتسجل عندك بال Amortized Cost بتاعتها .
ال Module الثالث
لما الشركة تكون بتستثمر في الأوراق المالية للهدفين مع بعض بمعني ان الشركة بتستثمر في الأوراق المالية عشان يجيلها interest منها و في نفس الوقت لو جاتلها فرصة ان هيا تبيع بسعر عالي وتحقق مكسب هتعمل كده في الحالة دي ال GAAP بيسميها Available for sale securities و ال IFRS بيسميها Fair value through OCI .
في الحالة دي المعايير بتقولك بما ان انت هدفك معتمد علي Financial Conditions بتاعتك و ال Source اللي انت مستني منه ال Gain ممكن يكون ال Cash flow الدوري اللي بيجيلك أو الزياده في سعر الأوراق المالية يبقي انت لازم تظهر الورقة المالية بتاعتك بال Market Value بتاعتها بس في نفس الوقت ما تعترفش بال Gain أو ال Loss في ال Income statement بتاعتك.
طبعا ده عشان انت لسه ما بعتش الأوراق المالية فعلا فبالتالي ال Resources بتاعتك ما تحركتش و ال Gain و ال Loss ما اتحققوش فعلا و هو ده دور حساب ال OCI .
عشان كده لو الأسهم اللي كنت اشترتها ب 1000 جنيه كان هدفك منها ان انت تحافظ عليها لمدة طويلة قبل ما تبيعها ده كان هيبقي معناه ان انت ال Gain اللي هيجيلك هيكون من ال Dividends ده غير ال Gain او ال Loss اللي هيحصلك من التغيير في ال Value بتاعت الأسهم.
عشان كده لما تروح أخر السنة وتلاقي ان قيمت الأسهم بقيت 1500 جنيه هتعمل القيد ده.
Dr/ Available For Sale Securities 500
Cr/ Unrealized Gain from available for sale securities 500
عشان كده مهم جدا ان انت تبقي عارف ال Module اللي الشركة بتدور بيه الأوراق المالية بتاعتها عشان تسجلها صح