How to Calculate Breakeven Point ?

ال Breakeven point هى نقطة التعادل , يعنى هى النقطة اللى عندها ال total Revenues بتساوى

ال total Costs

يعنى بتحدد الكمية اللى أنت المفروض تبيعها عشان يادوب تبقى لا كسبان ولا خسران

أفهم من كده ان أنا لو بيعت أقل من الكمية دى هابقى وقعت فى ال Loss area ولو أكتر هابقى دخلت على ال Profit area.

عشان كده أى Business Owner لازم يحسب ال Breakeven quantity , عشان لما ييجى يعمل

ال Sales Plan يبقى عارف أنه مينفعش يبيع أقل من الكمية دى.

طيب تعالى نعرف ال Breakeven quantity بتتحسب ازاى

هو احنا مش قولنا من شوية ان دى الكمية اللى أنت المفروض تبيعها عشان يادوب تبقى لا كسبان ولا خسران يعنى

ال operating Income بتاعك صفر, طيب مانتيجى نعمل Income statement ونستنج منها المعادلة اللى هنحسب بيها الBreakeven quantity .

Sales Revenues

(Variable costs)

Contribution Margin

(Fixed Costs)

Operating Income

ولو خليتها معادلة شكلها هيبقى كده

Operating Income = Sales Revenues – Variable Costs – Fixed Costs

وبما ان الOperating income بتاعك صفر, هستأذنك تخلى ال Fixed costs الناحية التانية بعكس الاشارة, والمعادلة يبقى شكلها كده

Fixed Costs = Sales Revenues – Variable Costs

طيب ممكن تركز معايا فى الحتة دى 

هو مش ال Sales Revenues دى عبارة عن Selling Price × Quantity

وطبعا ال Variable costs عبارة عن Variable Cost per unit × Quantity

وأكيد هتقولى اننا ممكن ناخد ال Quantity عامل مشترك, والمعادلة يبقى شكلها كده

Fixed Costs = quantity × (Selling price – variable cost per unit)

ولو أنت مركز معايا هتاخد بالك ان ال (Selling price – variable cost per unit) ده بيساوى ال Contribution Margin per unit , وكده المعادلة شكلها بقى كده

Fixed Costs = quantity × Contribution Margin per unit

هرجع وأفكرك ان المعادلات اللى فاتت دى كلها احنا بدأناها بأن ال Income بيساوى صفر , يعنى ال Quantity اللى فى المعادلة دى هى اللى انت المفروض تبيعها عشان تبقى لا كسبان ولا خسران.

طيب لو حبينا نخلى ال Quantity فى جنب لوحدها عشان نعرف نحسبها , ساعتها المعادلة هيبقى شكلها كده ودى أخر مرة هتسمع منى الجملة دى عشان ده الشكل النهائى للمعادلة

Breakeven Quantity=(Fixed Costs)/(Contribution Margin Per unit)

وعشان المعلومة مبتكملش الا بالتطبيق العملى , تعالى نحسب الCase دى مع بعض:

لو قولتلك ان ال selling price هو 100 جنيه وال Variable cost للوحدة الواحدة 60 جنيه, يبقى أكيد ال Contribution Margin per unit بيساوى 40 جنيه, وال Fixed Costs بتاعتك 100,000 جنيه.

كده انت عندك الData اللى انت محتاجها عشان تعوض فى المعادلة

Breakeven Quantity=100,000/40=2,500 Unit

يعنى أنت المفروض تبيع 2500 وحدة عشان تبقى يادوب لا كسبان ولا خسران, يعنى ال Income بتاعك بيساوى صفر, وتعالى نعمل Income Statement عشان نتأكد من الكلام ده

Sales Revenues (100 × 2500)    250,000

– Variable costs (60 × 2500)     (150,000)

Contribution Margin            100,000

– (Fixed Costs)                (100,000)

Operating Income              Zero

صدقتنى لما قولتلك خد بالك أحسن تقع

المهم دلوقتى بعد الكلام ده كله تقدر تقولى الشركة هتبدأ تحقق مكسب امتى؟