How to Build Your Personal Vision?
دايما بقف عند الناس اللي بتكون رأي عن نفسها من أراء الناس فيه و بستغرب !
بستغرب لأن ماحدش يعرفك أكتر من نفسك و ما حدش هيقدر يحكم علي امكانياتك قدك و لعلمك انت عندك امكانيات لو استغليت ربعها حياتك كلها هتتغير !
عشان كده دايما بقول لنفسي مش مهم الناس شايفني ايه و اقدر أعمل ايه المهم فعلا أنا شايف نفسي ايه و أقدر أعمل ايه !
عشان كده أنا مقتنع دايما و عايز اقنعك انت كمان ان الأهم بالنسبة للواحد فينا انه يشتغل دايما علي اجابة السؤال ده ” أنا شايف نفسي ايه و اقدر اعمل ايه كمان 5 سنين ؟”
أنا دايما بعمل ال Exercise ده كل Quarter وانا قاعد مع نفسي في اجازة من الأجازات الجميلة و دايما براجع اجاباتي للسؤال ده باجاباتي اللي فاتت .
ال Exercise ده بيبقي في كوكتيل مشاعر غير طبيعية و مختلفة عن بعضها تماما
هتلاقي نفسك بتلوم نفسك علي حاجات و مبسوط منها علي حاجات تانيه و محتار ان وجهة نظرك عن حاجات اتغيرت فجأه بس الأهم في كل ده ان انت بتطلع مرتب افكارك و عارف انت هتعمل ايه كويس .
صدقني أول ما بتوصل للاحساس ده مش بيهمك الناس شايفينك ايه عشان انت خلاص Already حددت انت عايز تشوف نفسك ازاي
أول ما حضرتك بتخلص ال Exercise ده هتبقي حددت ال Mission أو ال Result النهائية اللي انت عاوز توصلها خلال الفترة دي.
ال Concept ده بيحول طريقة حياتك تماما و بيخليك دايما عايش شايف انت عاوز توصل لايه و كل ال Actions اللي انت بتعملها متوجهة لل Mission بتاعتك وده اللي بنسميه Life with Vision ولعلمك 20 % من الناس بس اللي بيعيشوا بالطريقة دي.
ال 80 % الباقية عايشين ب Concept تاني خالص عايشين كده زي ما تيجي او ما ترح ما ترسي دق لها و بصراحة الناس دي فايتها كتير في الدنيا ده كفاية ان الناس دي عايشة مش عارفة هيا رايحه فين او بمعني اصح تايهه مع الدنيا و عايشة زي ما الظروف هتوديها و ده اللي بنسميه Life with Circumstances .
الشئ الجميل في الموضوع ان انت اللي بتختار ال Concept اللي انت عايز تعييش بيه حياتك محدش يقدر يفرض عليك Concept تعييش بيه .
انا اخترت من زمان ان انا اعيش مع ال 20 % لو انت كمان زيي و عايز تعيش with Vision اعملك كباية شاي أو نسكافيه و هات 7 ورقات وقلم و افضالي كده نصاية عشان نبدأ نعمل ال Vision اللي هنعيش بيها ال 5 سنين اللي جاية واحده واحده و الأهم من كده ان انت متحطش قيود و لا حدود للي انت تقدر تحققه بس ما تتخلاش عن ذكائك في نفس الوقت يعني ما تبقاش عارف ان صوتك وحش و تقولي انا شايف نفسي بعمل البوم
و خلينا نتفق كمان علي حاجه ان حياتك مش شغلك و بس واحنا عاوزين نعمل Vision لحياتنا كلها و عشان كده انا طلبت منك 7 ورقات هتكتب علي كل ورقة فيهم كلمه من دول :
– ال Career و دي الورقة اللي هتتكلم فيها عن الشغل بتاعك و وهتوصل فين و شكل شركتك ايه و زمايلك بيعملوا ايه و تقاريرك بتعمل ايه
– ال Education ودي هتتكلم فيها عن شهاداتك و ال Knowledge بتاعتك هيبقي شكلها ايه
– ال Family و هنا هتتكلم عن عيلتك وعلاقتك بيهم و بتعمل معاهم ايه.
– ال Friends و هنا هتتكلم عن اصحابك و علاقتك بيهم شكلها ايه و هما اصلا هيبقوا عاملين ازاي
– ال Financial و هنا بقي هتتكلم عن أحوالك المادية حساباتك البنكية عربيتك فيلتك أو شقتك.
– ال Health و هنا هتتكلم عن حالتك الصحية و مظهرك و لبسك
– ال Spirituality و هنا هتتكلم عن علاقتك بربنا عاملة ازاي.
كل صفحه من دول هتكتب فيها تخيلك عن نفسك كمان 5 سنين يعني مطلوب منك ان انت تتخيل نفسك في كل نقطة من دول بعد 5 سنين و أهم حاجه ان انت توصف كل حاجه كأنك شايفها قدامك و انت بتتفرج علي فيلم.
ابدأ بأي ورقه انت عاوزها بس المهم ان انت ما توقفش كتابة في كل ورقة لمده 5 دقايق علي الأقل اكتب من غير ما تحط لنفسك حدود و اوصف كل حاجه بتشوفها قدامك في الفيلم .
لخص كل اللي انت كتبته في أهداف بقي و حدد أهم هدفين ليك تحققهم السنادي في كل ورقة واعمل Action Plan متوزعه علي ال 12 شهر اللي جايين يعني ببساطه كده قسم الهدف بتاعك ل 12 هدف أصغر.
كده فاضلنا خطوة واحده و الجميل ان هيا مش بتاخد أكتر من 5 دقايق
هنبدأ نمسك أهداف أول شهر و نعمل ال Daily Action Plan اللي هتساعدنا ان احنا نحقق اهدافنا الشهرية اللي في الأخر هتصب في مصلحة تحقيق اهدافنا السنوية .
و تعالي نفترض objective محتاجين نحققه كمان سنة عشان نفهم احنا هنعمل ايه ؟
ال objective بتاعنا ان احنا نعمل Double للدخل بتاعنا كمان سنة و عشان ال objective يتحقق احنا محتاجين نترقي في شغلنا و كمان يبقي عندنا Part time job .
اكيد انت مش هتترقي في شغلك بالساهل و عشان كده انت لازم تبقي مميز اكتر عن الناس اللي حواليك فمحتاج تحدد انت هتبقي مميز عنهم ازاي ؟
ولو نفترض ان احنا اخترنا ان كل شهر نعمل حاجه جديده تخلي الناس اللي في الشركة تبدأ تاخد بالها مننا وعشان نقدر نعمل كده محتاجين نفكر ايه اللي المفروض تعمله كل يوم خلال الشهر عشان نحقق الهدف الشهري بتاعنا ؟
و الجميل في الموضوع ان هو مش هياخد منك اكتر من 5 دقايق !
و كل يوم الصبح الموضوع هيبقي محتاج منك 5 دقايق ان انت تحدد ايه اللي المفروض تعمله النهارده عشان تقدر تحقق الهدف الاسبوعي بتاعك.
مع انهم 5 دقايق بس صدقني هيفرقوا في حياتك كتير
و عشان نساعدك في ان انت تحقق واحد من أهدافك املي ال Contact Form دي و احنا هنكلمك نقولك ايه أحسن طريقة ممكن تطور بيها ال Career بتاعك بسرعه و كمان هنديلك كوبون خصم 50 % علي كل برامجنا التدريبية.