Government Grants Reporting
ازاي بتسجل ال Government Grants في الدفاتر يتاعتك ؟؟
المعايير المحاسبية في أي بلد بيكون فيها معيار مخصوص للمعالجة الحسابية للمنح الحكومية في الدفاتر بتاعتنا
عندك مثلا في المعايير المحاسبية المصرية معيار رقم 12 هو اللي بيتكلم عن الموضوع ده وازاي نسجل ال Government Grants في الدفاتر بتاعتنا و هتلاقي معيار قصادة في ال IFRS معيار رقم 20 اللي تقريبا هو هو معيار رقم 12 عندنا.
الأول خلينا نعرف هي ال Government Grants أشكالها ايه ؟
في Government Grants بتبقي دايما مرتبطة بالأصول زي ان الحكومة تدي الشركة منحة في هيئة أصل هتستخدمه في ال Operations بتاعتها و هيساعدها في ان هيا تحقق Revenues .
و في Government Grants بتبقي دايما مرتبطة بال Income زي ان الحكومة تدي الشركة منحه قصاد مصاريف كانت already الشركة اتحملتها قبل كده أو مصاريف هتتحملها الشركة في المستقبل . والمثال الشهير علي كده في مصر دعم الصادرات
وبما ان ال Government Grants متقسمة لنوعين فأكيد عشان كل نوع منهم ليه معالجة محاسبية لوحده و خلينا نبدأ بمعالجة ال Government Grants المرتبطة بالأصول.
المعيار المصري بيسمحلك تعالج النوع ده معالجتين انت محتاج تختار واحدة منهم و تثبت عليها عشان تضمن ال consistency في المبادئ المحاسبية اللي انت بتستخدمها.
المعيار بيقولك يا اما تسمع ال Government Grants دي علي طول في ال Equity أو ان انت تسمعها في ال Profit and Loss و الطريقة الثانية هي المعالجة الوحيدة اللي موجودة في ال IFRS و بصراحة هي الطريقة الأحسن .
وبما ان أنا أكيد هتحيز للطريقة الأحسن و ال IFRS فاحنا هنقول ازاي بنعترف بال Government Grants المرتبطة بالأصول بطريقة ال Profit and Loss
المعيار بيقولك اثبت الأصل في دفاترك و اثبت قصاده Deferred Revenue كالتزام عليك و كل ما ال Cost المرتبطة بال Asset تتسجل في دفاترك تبدأ تعترف بالايراد وتخفض الالتزام اللي عليك.
و عشان الكلام ده يبقي سهل علينا خلينا نقول حالة عملية
حكومة كوكب اليابان الشقيق شاركت مع مصنع يونج في شراء Machine قيمتها في السوق 100.000 ين عشان يستخدمها في ال Operation بقيمة 40.000 ين و ال Machine دي عمرها الأفتراضي 4 سنين .
هيروشي محاسب ال Fixed Asset في مصنع يونج عاوز يسجل ال transaction دي في حساباته المعيار بيقوله مبدأيا انت لازم هتعترف بالأصل في دفاترك و تسجل المنحة الحكومية دي ك Deferred Revenue بالقيد ده
Dr.CrMachine100,000Cash60,000Deferred grant revenue40,000
طيب و بعدين هنعمل ايه هنفضل معلقين ال 40.000 دول كتير في ال liabilities بتاعتنا ؟؟
المعيار بيقول هيروشي ان هو هيبدأ يعترف بال Grant revenue و يسمع معاه في ال Profit and Loss بنفس الطريقة اللي بيعترف بيها بال Cost المرتبطة بالأصل
يعني هيروشي هيجي في اخر السنة الأولي و يعمل قيد اهلاك الأصل و لو هو ببيستخدم طريقة القسط الثابت في الاهلاك هيبقي الأهلاك عنده 25 % كل سنة و هيسجل القيد ده
Dr.Cr.Depreciation Expense25,000Accumulated Depreciation25,000
و زي ما هيروشي اعترف ب Expense مرتبط بالأصل بقيمة 25 % من الأصل اللي بتمثل ال Cost بتاعة الأصل علي مصنع يونج. هيعترف بقيمة 25 % برضة من ال Grant revenue بالقيد ده.
Dr.Cr.Deferred grant revenue10,000Grant revenue10,000
في Approach تاني بيقولك ما أنا ممكن أعترف بالأصل بقيمة ال Cash اللي انا دفعته فيه و اروح في ال Disclosures و أعمل ايضاح ان الحكومة اديتني منحة .
ال Approach ده برضه Accepted بس انا مش متحيزله الصراحه لان ما دام انا كده كده هروح أعمل ايضاح لو ماسجلتهاش يبقي أحسن لي ان أنا أسجلها و أريح دماغي .
تقدر تقولي بقي بعد سنتين هيروشي هيكون ال Machine و ال Deferred grant revenue متسجلين عنده بكام ؟
و خليك متابعنا عشان هنقول ازاي بنسجل ال Government Grants المرتبطة بال Income